ԱԿԲԱ Ֆեդերացիայի աջակցությամբ ԿԱՆԱՉ ԱՐԱՀԵՏ ՀԿ-ի կողմից  Ձորաղբյուրի ԿԱՆԱՉ ՈՒՍՈՒՑՄԱՆ ԿԵՆՏՐՈՆ-ում  կազմակերպվեցին դասընթացներ ԱԿԲԱ Բանկի հաճախորդ հանդիսացող Արարատի մարզի ( ապրիլի 06-07), Արմավիրի մարզի (ապրիլի 13-14) և Արագածոտնի մարզի (ապրիլի 27-27  ֆերմերային տնտեսությունների համար։

Նախքան Ձորաղբյուրի ուսուցման կենտրոն այցելելը ֆերմերները այցելեցին ՎԻՊԵԿՈ ընկերություն և ծանոթացան ընկերության գործնեությանը և արտադրանքներին ։

Յուրաքանչյուր խմբի ֆերմերները   երկու հագեցած օրերի ընթացքում ծանոթացան բարձրարժեք մշակաբույսերի կայուն մշակությանը , ինչպես նաև պայքարի օրգանական և անվտանգ տեխնոլոգիաների կիրառությանը։ Դասընթացավարի կողմից ներկայացվեց հողի նախապատրաստման, ցանքի և վեգետացիայի ընթացքում  խնամքի , բերքահավաքի և հետբերքահավաքային աշխատանքների իրակացման մանրամասն և արդյունավետ մեթոդներ։ Դասընթացների ընթացքում ֆերմերները կիսվեցին փորձով և կազմակերպվեցին թիմային խաղեր։ Ավարտին ֆերմերները բարձր գնահատական տվեցին դասընթացի կազմակերպման  իրականացմանը և նաև եղան ֆերմերների միջև ապագայում հնարավոր համագործակցության վերաբերյալ քննարկումներ։

.