![](thumbs/1920x606/media/2023/12/486.jpg)
![Արմավիրի մարզում գործող «Վիպեկո» լաբորատորիան իր տեխնոլոգիական հագեցվածությամբ տարածաշրջանում եզակի է](thumbs/370x280/media/2023/12/488.jpg)
Լաբորատորիայում թափոնների վերամշակմամբ և միկրոօրգանիզմների օգտագործմամբ ստանում են հողի պարարտացման, անասնագոմերի խնամքի համար նյութեր, անասնապահության մեջ կիրառելի կերակրի խառնուրդներ, ինչպես նաև միջատասպան նյութեր, որոնք փոխարինում են թունաքիմիկատներին։ Այժմ «Վիպեկոյի» մշակած մանրէի միջոցով ֆերմերները 1 տարվա փոխարեն ընդամենը 2 ամսում կարողանում են ստանալ բնական պարարտանյութ։«Վիպեկո» ընկերության գործընկերն Ակբա Ֆեդերացիան է, որը լաբորատորիայում ստեղծվող նորությունները ներկայացնում է հայ ֆերմերներին, պատմում արդյունավետության և ապագայի գյուղատնտեսության մասին։ Ակբա Ֆեդերացիան ցանկանում է Հայաստանում տեսնել մրցունակ գյուղատնտեսություն։
![](thumbs/800x430/media/2023/12/489.jpg)
«Տարածաշրջանում իր հագեցվածությամբ միակն է «Վիպեկոն», ունի միջազգային ստանդարտ։ Բոլոր սարքավորումները նոր են, 5-րդ սերնդի, հագեցած են էլեկտրոնային հաղորդող սարքերով, ինչի շնորհիվ սմարթֆոնի վրա կարող ես լաբորատորիայի գործունեության ամբողջ պրոցեսը տեսնել։ Ակբա Ֆեդերացիայի հետ համագործակցում ենք շուրջ 3 տարի։ Ակբա Ֆեդերացիան ամբողջ Հայաստանում ունի մեծ ցանց և ագրարային ոլորտի գործընկերներ. վերջիններիս Ակբա Ֆեդերացիան ներկայացնում է մեր արտադրանքը, սեմինարներ կազմակերպում և պատմում, թե ինչ ենք անում մենք, որ գյուղում ապրող անասնապահը, հողագործը իմանա ժամանակակից տեխնոլոգիաների մասին ու կիրառի»,- նշում է «Վիպեկո Արմենիա» ընկերության տնօրեն Արա Հակոբյանը։
![](thumbs/800x430/media/2023/12/487.jpg)
«Վիպեկոյի» արտադրանքները բացի տեղական շուկայից մեծ պահանջարկ ունեն նաև արտասահմանում։Ակբա Ֆեդերացիան Ակբա բանկի միակ նշանակալից մասնակիցն է, բանկի բաժնետոմսերում ունի ավելի քան 81 տոկոս մասնաբաժին: Ակբա բանկում ունեցած մասնակցության շնորհիվ Ակբա Ֆեդերացիան նպաստում է Հայաստանի ողջ տարածքում գյուղատնտեսության, գյուղական շրջաններում փոքր և միջին բիզնեսի զարգացմանը, համայնքների զարգացմանը, գյուղական շրջաններում և համայնքներում բիզնես միջավայրի աշխուժացմանն ու զարգացմանը, նշված ոլորտներում ձեռնարկատիրական գործունեություն իրականացնող յուրաքանչյուր անձի բարեկեցության աճին: