![](thumbs/1920x606/media/2022/05/172.jpg)
![ԱԿԲԱ Ֆեդերացիա և ԿԱՆԱՉ ԱՐԱՀԵՏ ՀԿ Green training Center-ում առաջին դասընթացը ֆերմերային տնտեսությունների համար](thumbs/370x280/media/2022/05/176.jpg)
2022թ-ի մայիսի 14-ն և 15-ին ԱԿԲԱ Ֆեդերացիայի աջակցությամբ ԿԱՆԱՉ ԱՐԱՀԵՏ ՀԿ-ի կողմից Ձորաղբյուրի Green training Center-ում կազմակերպվեց բարձրարժեք մշակաբույսերի մշակության ուղղված առաջին դասընթացը։ Այն նախաձեռնվել է ԱԿԲԱ Ֆեդերացիայի կողմից և նախատեսված է Բանկի հաճախորդ հանդիսացող երիտասարդ ֆերմերների համար։ ԱԿԲԱ ֆեդերացիան մեծ նշանակություն է տալիս երիտասարդ ֆերմերների կրթությանը ուղղված միջոցառումների շարունակական իրականացմանը։
Այս երկու հագեցած օրերի ընթացքում ֆերմերները ծանոթացան բարձրարժեք մշակաբույսերի կայուն մշակությանը , ինչպես նաև պայքարի օրգանական և անվտանգ տեխնոլոգիաների կիրառությանը։ Ներկայացվեց հողի նախապատրաստման, ցանքի և վեգետացիայի ընթացքում խնամքի , բերքահավաքի և հետբերքահավաքային աշխատանքների իրակացման մանրամասն և արդյունավետ մեթոդներ։ Դասընթացների ընթացքում ֆերմերները կիսվեցին փորձով և կազմակերպվեցին թիմային խաղեր։ Դասընթացի ավարտին ֆերմերները բարձր գնահատական տվեցին դասընթացի կազմակերպման իրականացմանը և նաև եղան ֆերմերների միջև ապագայում հնարավոր համագործակցության վերաբերյալ քննարկումներ։
Ուսուցումը կազմակերպվել էր Կոտայքի մարզի հաճախորդների համար և այն ունենալու է շարունակական բնույթ. այլ մարզերի հաճախորդների համար ևս պետք է կազմակերպվեն նմանօրինակ դասընթացներ։
![](thumbs/800x430/media/2022/05/170.jpg)
![](thumbs/800x430/media/2022/05/175.jpg)