Դասընթացավար Տիգրան Սեդրակյանին մասնակիցների կողմից նախ ներկայացվեց տնտեսություններում առկա խնդիրները և ակնկալիքները դասընթացից։
Այնուհետև Սեդրակյանը ըստ օրակարգի անդրադարձավ մեղվաբուծության ներկա վիճակին, մեղվապահի հիմնական գործառույթներին , մայրաբուծության առավել արդյունավետ կազմակերպմանը և մի շարք այլ տեխոլոգիաներին՝ ընթացքում պատասխանելով մասնակիցների ներկայացրած հարցերին։
Խոսելով սեզոնային աշխատանքների մասին ՝ դասընթացավարը մեծ կարևորություն տվեց դրանց ճիշտ և ժամանակին կազմակերպմանը։ Մեծ անդրադարձ եղավ մեղուների վնասատուների և հիվանդությունների դեմ կազմակերպվող արդյունավետ և անվտանգ պայքարին ու կիրառվող նյութերի ընտրությանը։
Վերջում հարցաշարերի միջոցով ստուգվեցին մասնակիցների ստացված գիտելիքները և նրանց կողմից գնահատվեց բավարարվածությունը դասընթացի բովանդակությունից և անցկացման մեթոդիկայից։